კუბიზმი

ბოლო წლების წამყვან არქიტექტურულ მიმართულებად ითვლება დაახლოებით ასეთი სტილის სახლები.

მე ჩემებურად ამას კუბიზმი დავარქვი.

კარგია, ლამაზია, თანამედროვეა, ეფექტურია,

მაგრამ მე არ მიქნის სიმყუდროვისა და სახლის განცდას. უფრო ოფისი მგონია რო ვუყურებ, ან რაღაც ისეთი ადგილი სადაც მიდიხარ, მუშაობ, ერთობი, შეხვედრები გაქვს, ან საქმიანობ და მერე სახლში უნდა დაბრუნდე...

კაცია და გუნება,
გემოვნებაზე არ დავობენ.

მაგრამ მე ასეთ სახლში ცხოვრება გამიჭირდებოდა,
ჩემთვის სახლი რაღაცა უფრო მეტად ტრაფიციულ ფორმებს გულისხმობს.

ქრისტე აღსდგა!!!!!

ახლა ეს მოპირკეთება გაიწელება უსაშველოდ....

მოპირკეთება მიდის ნელა, მძიმედ, მაგრამ ზუსტად და ლამაზად.

აგერ ფოტოები:

,,აბშივკა''

აბშივკა არის ქართულად ალბათ გამოსაკრავი, ანუ გამოკვრა. მოკლედ ის რითიც უნდა მოაპირკეთო სახურავების ქვედა მხარეები.

სახურავი გარედან არის მთლიანად ერთნაირი, კრამიტი, რეიკები ორ ფენად, ტოლის სქელი ფენა, ფიცარი და კოჭი....

რაც შეეხება შიდა მხარეს სახურავის, იყოფა ორ ნაწილად, ის რაც სახლის შიგნით ყვება და ის რაც გარეთ, აივნებზე და კედლების გარეთ გადმოდის.

შიდა მხარეს კოჭებზე წავა თბოიზოლაცია და ალბათ კიდევ გიპსოკარდონი.
გარე მხარეს თბოიზოლაცია არაფეში ჭირდება ამიტომ ეგრევე აბშივკა უკეთდება.

ჩვენ აბშივკისთვის გერმანული ფიცარი ვიყიდეთ. სპეციალურად გამზადებული, დახერხელილი, გაშკურკული, ლაკებითა და ანტისეპტიკური სითხეებით დამუშავებული...

ეს ფიცარი რაღაცნაირი ღარებით როგორც დედალ-მამალი ისე ჯდება ერთმანეთში და სამაგრებით მაგრდება სახურავის შიდა ზედაპიზე, კოჭებზე ანუ...
საბოლოოდ მივიღეთ ასეთი სახე. ცოტა ღია ფერისაა მაგრამ ვფიქრობ ახლა ამაზე ლაკების სმის და ფერების დაყენების დრო და ნერვი ნაღდად არ მაქვს.. იყოს რაცააა... უხდება...















აქ რაც ჩანს ფოტოებზე, არის სულ 40 კვ.მ. აბშივკით გაკეთებული. სულ 100 კვ.მ. ვიყიდეთ, იქითა მხარესაც გააკეთებენ, სადაც გადმოსვლებია სახურავის, გარე კედლების კონტურიდან.. ფაქტიურად ანუ მთელი სახლის გარშემო.
100 კვადრატი არ გვეყოფა, ალბათ ერთი ამდენი კიდე დაგვჭირდება ეს მასალა. გერმანული ღირს 20 ლარი 1 კვადრატული მეტრი. ქართული ღირს 15-18 ლარი. მაგრამ მაინც გერმანულის ყიდვა ვამჯობინეთ.

ჯერერთი უფრო კარგი ნაკეთებია, დარწმუნებული ვარ ხეც უფრო გამომშრალია, შეიძლება სპეციალურ ღუმელებში დამუშავებულიც... იქ ხო ქარხნულად კეთდება ეს ყველაფერი. გერმანელებს არ ყავთ კომანდანტე ელიავა და არც ცეხები აქვთ...
მეორეც ის უკვე დამუშავებულია ანტისეპტიკებით და სხვადასხვა სპეციალური სითხეებით. ქართული კი ცალკე უნდა დაამუშაო ამ ლაკებით რაც კიდე ცალკე ხარჯია, ლაკისაც და ხელობისაც...

მოპირკეთება და საფასადე იერი

ახლა უკვე შეიძლება ითქვას რომ სახურავი მორჩა. ანუ სახურავის ზედა ნაწილი ძირითადად ყველა მხრიდან მარჩოა, გარდა იმ ადგილებისა, სადაც ბოლომდე ჯერ არ გაკეთდა, იმიტომ რომ სხვა რმეს უშლის ხელს.

სხვენში უნდა სახურავის შიგნიდან გაკეთდეს თბოიზოლაცია. ამაზე ცოტა უკვე დავწერე და როცა გაკვრას დავიწყებ უფრო დაწვრილებით მერე დავწერ.

ორმაგ იზოლაციას ვფიქრობ, მთლად სხვენზე, ანუ სახურავის შიდა ნაწილზე გავაკრავ 12 მილიმეტრიან მინა ბამბას (ბაზალტის ქვაბამბას ფოლგით). ეს ჯამში გამოვა სადღაც 210 კვ.მ. X 17 ლარზე ანუ 3500 ლარი. და ქვედა სხვენზე, ანუ ოთახების თავზე რაც არის გაფიცრული იქ გავუშვებთ 5 ან 8 მილიმეტრიან სპეციალურ ასევე ფოლგიან იზოლაციას, რომელიც არის აქეთ იქიდან ფოლგა და შუაში რეზინივით მასალა. ფოტოებს გაჩვენებთ. ესეც გამოვა დაახლოებით 80 კვ.მ. X 8 ლარზე, ანუ 640 ლარის.

მოკლედ, ამაზე დაწვრილებით მერე...

ახლა ის რაც ამ წამს ხდება იქ...

1. აგური, რომლითაც ნდა მოვაპირკეთოთ სახლი თითქმის სულ გირეცხა...

2. შესასვლელი მხრიდან ვერანდაზე 4 კოლონა რომ არის, ის პირდაპირ ამ აგურით უნდა აშენებულიყო, იმიტომ რომ წვრილი კოლონებია, არ უჭირავს არავითარი მზიდი კონსტრუქციები, მარტო ვერანდის კრამიტითდახურული სახურავი უნდა დაიკავოს... ეს კოლონები რომ ბეტონით ჩასხმული გაგვეკეთებინა ეგეთი წვრილი აპალოვკის აწყობა გაჭირდებოდა, და ამიტომ პირდაპირ ამ აგურით აშენებენ და შუაში სიცარიელეში ასხავენ ბეტონს.


















ამ აგურის ფაქტურამ და წყობამ გამოაჩინა მთელი სახლი როგორი იქნება საბოლოოდ...

თუმცა აივანზე კედლების მოპიკეთებაც დაიწყო უკვე და რამდენიმე წყება აგური აქაც დალაგდა..

ცოტა უხეშად ჩანს აგურებს შორის ,,შოვები'' მაგრამ ეს მერე როცა კარგად გაშრება ცემენტი, კიდევ ერთხელ უნდა გასუფთავდეს და საბოლოო, საფასადე სახე მიეცეს..









აი ასეთი კედლები გვექნება. გარედან, მთლიანად, და კრამიტსის და ამის შეხამება იქნება საოცარი.

ხედები

ეს არის ხედები გუდვილის გვერდით კორპუსიდან.
აი ამ მინდორზე სუულ ბოლოში არის ჩვენი ნაკვეთი და მშენებარე სახლი.

მამალი

ამას წინათ, როცა გადახურვა მორჩა, ტრადიციის თანახმად, სახურავის კეხზე დაიკლა მამალი....

ეს საღამო დუქანში გაგრძელდა და ბოლოს მოხარშული მამალიც შემოიტანეს...

არ ვიცი სადაური ტრადიციაა, თუმცა მშენებლები ამტკიცებენ რომ ზოგად ქართული სამშენებლო ამბავია და სახლის დალოცვის აუცილებელი ნაწილია.....

დათბუნება

სახურავი ფაქტიურად მორჩა, ზედა, კრამიტის სამუშაო...

ცოტა კურტანი და კრამიტი დაგვაკლდა ვერანდების სახურავებზე მაგრამ ამ დღეებში მოიტანენ. ფასი 60 თეთრი.

ახლა სახურავის ქვედა ნაწილია გასაკეთებელი. კარგი თბოიზოლაციის მასალა გვინდა. ელიავაზე ვნახე ერთი მაღაზია, რომელშიც კარგი იზოლაციები იყიდება, მათ შროს ხმის იზოლაციაც, რომელიც ღამის კლუბს რომ გაუკეთო გარეთ ხმა არარ გამოვა ისე ახშობს.

თუმცა ჩვენ არ დაგვჭირდება, ისედაც 3 მაგი შუშით მინაპაკეტის მეტალოპლასტმასის ფანჯრების ჩასმას ვგეგმავ და კედელიც 40-46 სანტიმეტრიანია, 2 აგურის ფენით, რავიცი, სულ ხო არ დავაყრუებთ იქაურობას... გარედან ხმა უნდა შემოდიოდეს სახლში ზომიერად.
თორე საშინელი სანახავია ფანჯრიდან რომ უყურებ გარეთ ეზოში რამეს, ან ვინმეს და ხმა საერთოდ რომ არ გესმის, როგორც MUTE ტელევიზორში.

თბოიზოლაცია არის რამდენიმე სახის. ფასებიც სხვადასხვაა. მე ვმერყეობ 2 ვარიანტში:

1. 2 სანტიმეტრიანი ქვაბამბა (მინაბამბის გაუმჯობესებული ვარიანტი) ცალ მხარეს სითბური ამრეკლი ფოლგით. აი ფოტოც

2. 8 მილიმეტრიანი მსგავსივე 2 ვე მხრიდან ფოლგიანი რეზინის მაგვარი გადასაკრავი. წარმოიდგინეთ სქელი, 8 მილიმეტრიანი ტოლი ორივე მხრიდან ვერცხლისფერი ფოლგით.

ეს ფოლგა შვება იმას, რომ ტემპერატურას ირეკლავს. ანუ, გარდა იმისა, რომ ეს მასალა არ ატარებს ტემპერატურას, ანუ ერთი მხრიდან სიცივეს და მეორე მხრიდან სითბოს, ასევე ირეკლავს სითბოსაც და სიცივესაც რაც კიდევ უფრო აუმჯობესებს არგატარების თვისებებს.
ერთი პერიოდი ვფიქრობდი 2 ვე მასალის გამოყენებას, ანუ კჭებს შორის ჩამედო ეს ქვაბამბა და მერე ქვემოდან გამეკრა ის 8 მილიმეტრიანი 2 ვე მხრიდან ფოლგიანი მემბრანა...
თუმცა ძვირია,... ფასებს დავწერ, გავალ ამ დღეებში...

და კიდე დავწერ. მანამდე ფოტოები....