SMS შეტყობინება

პარასკევს მომივიდა უკვე ესემეს შეტყობინბეა რომ არქიტექტრუის სამსახურში საქმისწარმოება დასრულებულია და მომდევნო სამუშაო დღეს (ორშაბათს, ანუ ხვალ) მივიღებ გადაწყვეტილებას ხელზე.
აი ეგ არ ვიცი ახლა დასრულებულია რას ნიშნავს, შენიშვნებით და ხარვეზებით მიბრუნებენ რო გამოვასწორო (ასეთ დროს როგორც წესი იძახიან რომ შეჩერებულია) თუ ვსო და უკვე მომცეს მშენებლობის ნებართვა? მაგრამ ასე მალე და უხარვეზოდ?

არსად არ გამიგია....

ვნახოთ, ხვალ გავიგებ რა ხდება.
იქნებ საერთოდ უარს მეუბნებიან :))))))))))))))

პროექტის შეთახნემბა

რამდენიმე დღის წინ შევიტანე პროექტი სსიპ ,,თბილისის არქიტექტურაში''.
სულ არის 3 სტადია. 1–ლის სტადიაა ქალაქმშენებლობის პირობების დადგენა, რაც თავიდან გავაკეთეთ, ნაკვეთის შეძენისთანავე. ამ დოკუმენტით დაგვიდგინდა თუ რისი და როგორ აშენების უფლება გვაქვს.
მერე ამ დოკუმენტსაც დავასკანერებ და დავდებ. ნუ მანდ მთავარი და ძირითადია მაინც თუ რა ზონაა და რა კოეფიცინეტები.
ზონა დამიდგინდა საცხოვრებელი ზონა 5.
რაც გულისხმობს: კ1–0.5; კ2–0.8; კ3–0.3;

კ1 ––––––––––––––––––
ეს ნიშნავს – მიწის ნაკვეთის განაშენიანების კოეფიციენტი კ-1 განსაზღვრავს კონკრეტული მიწის ნაკვეთის ტერიტორიის მაქსიმუმ რა ნაწილზეა დასაშვები შენობა-ნაგებობების განთავსება. ანუ თუ მიწის ნაკვეთი არის 800 კვ.მ. მაშინ მე შემიძლია კ1 0.5 პირობებში (800*0.5) 400 კვადრატულ მეტრ ფართობზე განვათავსო ჩემი შენობა (შენობები).
მიწის ნაკვეთის განაშენიანების კოეფიციენტით განსაზღვრულ საანგარიშო ფართობში არ შედის:
ა) შენობა-ნაგებობების მიწისქვეშა სართულ(ებ)ი;
ბ) დროებითი სამშენებლო ობიექტები;
გ) შენობათა გამჭვირვალე წყალგაუმტარი მასალით გადახურული შიდა ეზოები, "ზამთრის ბაღები" და "პასაჟები". ამავე დროს, ამ ნაწილებთან ერთად შენობები არ შეიძლება იკავებდნენ შესაბამისი მიწის ნაკვეთების 80%-ზე მეტს;
დ) სასოფლო-სამეურნეო დანიშნულების ერთსართულიანი შენობა-ნაგებობ(ებ)ი, მათ შორის, სათბურები.

კ2 ––––––––––––––––––

მიწის ნაკვეთის განაშენიანების ინტენსივობის კოეფიციენტი კ-2 განსაზღვრავს ცალკეულ ზონაში კონკრეტული მიწის ნაკვეთის ტერიტორიაზე დასაშვებ შენობა-ნაგებობის მიწისპირა და მიწისზედა სრული სართულების, აგრეთვე, სრულ სართულთან ამ წესებით გათანაბრებული მანსარდის ან მისი ნაწილის იატაკის ძირითადი კონსტრუქციების ზედაპირების ჯამურ ფართობს.
ანუ ჩვენ შემთხვევაში (800*0.8) 640 კვადრატულიანი შენობა შემეძლო ამეშენებინა. სულ, ყველა სართულების ჩათვლით.

კ3 ––––––––––––––––––

მიწის ნაკვეთის გამწვანების კოეფიციენტით განისაზღვრება მიწის ნაკვეთის ტერიტორიის ფართობის მინიმალური წილი, რომელიც არ უნდა იყოს დაფარული ან გადაფარული რაიმე წყალგაუმტარი (სამშენებლო თუ სხვა) მასალით, რომლის ქვეშაც არ უნდა არსებობდეს რაიმე ნაგებობა ან სათავსი და რომელიც განკუთვნილია გამწვანებისათვის; ჩემს შემთხვევაში აუცილებლად უნდა მქონდეს მწვანე ეზო მინიმუმ (800*0.3) 240 კვ.მ.

მე ჩემი პროექტით ყველა მოცემულობაში ვიგულავე.... ანუ 400 განაშენიანება 200–კვადრატულში ჩავტიე, 640 სამშენებლო მოცულობა სადღაც 340–ში, და გამწვანება კიდევ 400 კვადრატზე მეტი გამოვიდა (ეზოს რაღაც ნაწილი ხო მოპირკეთებულია ქვაფენილით).

პროექტის მე–2 სტადიაა არქიტექტურული ნაწილის შეთანხმება. მე–3 კი კონსტრუქციულის.
ეს იმიტომ, რომ თუ არქიტექტურულ ნაწილს დაგიწუნებენ ან შეგაცვლევინებენ კონსტრუქციებიც უნდა გადააკეთო. ისედაც ჯერ არქიტექტორი ქმნის ესკიზებს და გეგმებს, და მერე კონსტრუქტორი ქმნის კონსტრუქციულ ნახაზებს, ანუ რა ნაწილი როგორ, რა არმატურით რა ბეტონით, რამდენიანი კოლონებით, რა დაკავშირებებით და მასალებით უნდა დამზადდეს...
შეიძლება მეორე და მესამე სტადიების ერთად გავლა. მეც ასე გავაკეთე. ეს ისეთი ამრტივი შენობაა (1 სართულიანი სახლი მანსარდით) რომ აქ ისეთი რა უნდა შემიცვალონ არქიტექტურულ ნაწილში რომ კონსტრუქციების გადაკეთება დაჭირდეს.

THE WALL

ჩვენი THE WALL აშენდა დააახლოებით 2 თვეში. არსად გვეჩქარებოდა. წარმოგიდგენთ ხარჯთაღრიცხვას ბატონო.
მთლიანობაში აშენდა ბეტონისა და ბლოკის 80 გრძივი მეტრი სრული კედელი და 20 გრძივი მეტრი – წინა ფასადზე მხოლოდ საძირკველი და კოლონები. წინ დანარჩენი ღია დავტოვეთ, ქუჩის მხრიდან ღობე იქნება უფრო ღია და თავისუფალი, სავარაუდოდ რკინის გისოსები და ქვით მოპირკეთებული კოლონები. თუმცა ჯერ გადასაწყვეტია.
მოკლედ ამ წინა კოლონებისა და საძირკველის გარდა აშენდა სრული 80 მეტრი ღობე, სიმაღლით 2,2 მეტრი. თუმცა ხარჯებში შედის ეს წინა უკვე შესრულებული სამუშაოც.
ფასები:
1. ბეტონი – 90 ლარი კუბამეტრი. სულ დაგვჭირდა 37 კუბი ბეტონი. ანუ 3330 ლარი.
2. ბლოკი – თითო ცალი მოტანა დაცლით 0.875 ლარი. სულ დაგვჭირდა 1805 ბლოკი. 1580 ლარი.
3. ცემენტი – 1 შეკვრა 9 ლარი. დაგვჭირდა 70 შეკვრა. 630 ლარი.
4. არმატურა და ,,კატანკა'' მავთული არმხასოვს რომელი რამდენი, მაგრამ სულ დაახლოებით 1500 ლარი.
5. მუშების ხელფასი რკინა ბეტონის სამუშაო. ერთი კუბი 55 ლარი. სულ მივეცით 2000 ლარამდე.
6. მუშების ხელფასი ბლოკის დაწყობა (კედლის ამოშენება). 1 ბლოკი 0.40 ლარი. სულ სადღაც 750 ლარი.
7. სხვა ხარჯები: ლურსმანი, შლანგი, ზოგიერთი ინსტრუმენტი, აპალოვკის ფიცარი, მიწის გათხრა კედლის საძირკველისათვის, დენის კაბელის ჩაყოლება მთელ კედელზე, ქვიშა, ცოტა ხრეში, ბრიგადირის ხელფასი (2500), მიწის მოსწორება ტრაქტორით და სხვა ყველაფერი, ჯამურად 4000 ლარამდე.

მთლიანი ხარჯი შეადგენს 13,865 ლარს.

თუ გადავვიანგარიშებთ გრძივ მეტრზე 2,2 მეტრი სიმაღლის ღობის გრძივი მეტრის აშენების ღირებულებაა 150 –160 ლარი.
დაახლოებით ამავე ლოგიკას და ფასებს თუ გავყვებით, სადღაც ალბათ 16–17 ათასი ლარი უნდა დაჯდეს უსარდაფო სახლის საძირკვლის და პირველი და მეორე სართულის კედლების მშენებლობაც, თუ ავიღებთ საშუალოდ 10X10–ზე სახლს.